Trending Now
#

POLISI Y'U RWANDA

Serivisi - Kurinda - Ubunyangamugayo

#

IMIKINO YA EAPCCO: Uko umunsi wa kabiri w'imikino wagenze

Imikino ihuza abapolisi  bo mu bihugu bigize umuryango w'abayobozi ba Polisi mu bihugu by'Afurika y'Iburasirazuba (EAPCCO) yakomeje kuri uyu wa Gatatu tariki ya 22 Werurwe, hakinwa umukino w'intoki wa Volley ball,  gusiganwa ku maguru, iteramakofe, netball na darts.

Mu butumwa bwo kubifuriza intsinzi bwatanzwe n'Umuyobozi Mukuru wa Polisi wungirije ushinzwe imiyoborere n'abakozi, DIGP Jeanne Chantal Ujeneza kuri Hilltop hotel iherereye i Remera mu Karere ka Gasabo ahaberaga imwe muri iyo mikino yavuze ko abayitabiriye bahurijwe hamwe no gusabana ndetse no guteza imbere impano bityo ko igomba kurangwa n'urukundo n'ubworoherane.

Mu irushanwa ryo gusiganwa ku maguru muri metero 1500 mu bagabo no mu bagore, Ikipe ya Polisi y'u Rwanda yitwaye neza Ingabire Victor na Jeanne Gentille Uwizeyimana baza ku mwanya wa gatatu mu byiciro byombi.

Polisi y'u Rwanda kandi yatsindiye kuzahatanira umukino wa nyuma muri metero 100 mu bagabo na metero 200 mu bagore.

Ikipe ya Polisi ya Kenya yegukanye umudari wa zahabu mu mukino wo gutera ingasire mu bagore, Uganda yegukana bronze na silver.

Mu bagabo Ikipe ya Polisi ya Kenya yatwaye umudari wa Zahabu na bronze naho Polisi ya Tanzania itwara uwa silver.



Mu gusiganwa ku maguru muri metero 1000, mu bagore ikipe ya Polisi ya Kenya yegukanye umudari wa zahabu n'uwa silver, Polisi ya Ethiopia iza ku mwanya wa gatatu yegukana umudari wa bronze.

UKO BYARI BYIFASHE MU MUKINO W'INTOKI WA VOLLEY BALL

Muri uyu mukino ikipe ya Polisi ya Kenya yatsinze Polisi y'u Burundi amaseti 3-1.

Iseti ya mbere yatsinzwe na Kenya ku bitego
25-20 u Burundi bwishyura ku bitego 25-18.

Polisi ya Kenya yaje gutsinda iseti yakurikiyeho ku bitego 25-20 n'iya Kane ku bitego 25-18.

Imikino ya 1/4 mu iteramakofe

Mu biro 63.5 uwegukanye intsinzi ni Raymond Mugisha wa Polisi ya Uganda ku mwanya wa kabiri haza
Hassan Murenzi wa Polisi y'u Rwanda.

Mu cyiciro cy'ibilo 60 ku mwanya wa mbere haje
Mululeta wa Polisi yo muri Ethiopia,  ku mwanya wa kabiri haza
Joseph Shigali wo muri Polisi ya Kenya.

Mu cyiciro cy'ibilo 75 uwegukanye intsinzi ni
Ethan Maina wa Polisi ya Kenya, ku mwanya wa kabiri haza
Emmanuel Mugisha wa Polisi y'u Rwanda.

Mu cyiciro cy'ibilo 75 ku mwanya wa mbere haje
Ssemuju David wa Polisi ya Uganda, ku mwanya wa Kabiri haza
Ouma George wa Polisi ya Kenya.

Icyiciro cy'ibilo 48 cyegukanywe na
Samuel Alemin wa Polisi ya Sudani y'Epfo na
Businge Champion Miraga wa Polisi ya Uganda.

Mu mukino wa Darts Polisi ya Kenya yatsinze iya Tanzania ku bitego 20 kuri 16 naho Polisi ya Uganda itsinda u Rwanda 32-6.